मेहेरबाबांच्या स्मृतीप्रित्यर्थ निघालेल्या नवजीवन पदयात्रेचे शहरात स्वागत
अहमदनगर (प्रतिनिधी)- मानवतेचा संदेश देणार्या अवतार मेहेरबाबांच्या स्मृतीप्रित्यर्थ नवजीवन पदयात्रा काढण्यात आली. या पदयात्रेचे इंपीरियल चौकात लाल बावटा जनरल कामगार युनियन संलग्न अवतार मेहेरबाबा कामगार युनियनच्या वतीने मेहेरबाबांचा जयघोषात स्वागत करुन, भाविकांना फळांचे वाटप करण्यात आले.
यावेळी लाल बावटेचे सचिव अॅड.कॉ. सुधीर टोकेकर, युनिट अध्यक्ष कॉ. सतीश पवार, सचिव विजय भोसले, उपाध्यक्ष संजय कांबळे, सदस्य सुभाष शिंदे, दिगंबर माने, नवनाथ कल्हापूरे, प्रभावती पाचारणे, प्रकाश कांबळे, माऊली दळवी, विकास कांबळे, विकास शेळके आदींसह युनियनचे सदस्य असलेले कामगार वर्ग व भाविक मोठ्या संख्येने उपस्थित होते.
अवतार मेहेरबाबांनी 16 ऑक्टोबर 1949 रोजी नवजीवन यात्रेला प्रारंभ केला होता. या घटनेच्या 73 व्या वर्षाच्या स्मृतीप्रित्यर्थ सरोष टॉकीज येथील मेहेर सेंटर येथून या पदयात्रेचा प्रारंभ झाला. सदर पदयात्रेचे अरणगाव मेहेराबाद येथे मेहेरबाबांच्या समाधी स्थळी समारोप झाला.